Një 35-vjeçar është arrestuar, pasi ka tentuar të fusë lëndë narkotike në burgun e Fushë-Krujës. Shtetasi me inicialet A.N., është kapur teksa po futej të vizitonte një mik në këtë burg. Pas kontrollit të zakonshëm, të arrestuarit iu gjet 10 gramë heroinë në xhepin e xhupit. Dje, gjatë kontrollit të shtetasve që hyjnë për të takuar familjarët e tyre që vuajnë dënimin, e kanë kapur në flagrancë duke futur 10 gramë lëndë narkotike të dyshuar heroinë.
Ja njoftimi i plotë i policisë:
Durrës
Tentoi të fuste lëndë narkotike heroinë në I.E.V.P Fushë-Krujë, arrestohet në flagrancë 35-vjeçari.
Arrestohet dhe një 53-vjeçar për lëndë narkotike dhe për vjedhje kryer në bashkëpunim.
Specialistët për Hetimin e Narkotikëve në DVP Durrës, në bashkëpunim me Policinë e I.E.V.P Fushë-Krujë arrestuan në flagrancë shtetasin A. N., 35 vjeç, banues në Durrës.
Shërbimet e Policisë në I.E.V.P Fushë-Krujë, më datë 31.10.2019, gjatë kontrollit të shtetasve që hyjnë për të takuar familjarët e tyre që vuajnë dënimin në ambientet e I.E.V.P-së Fushë- Krujë, e kanë kapur në flagrancë duke futur 10 gr. lëndë narkotike të dyshuar heroinë, të cilat i kishte futur në xhepin e një xhupi.
Në cilësinë e provës materiale u sekuestruan 10 gr. lëndë narkotike, e dyshuar heroinë.
Materialet i kaluan Prokurorisë së Rrethit Gjyqësor Krujë, për veprat penale “Prodhimi dhe shitja e narkotikëve” dhe “Futja ose mbajtja e sendeve të ndaluara në institucionin e ekzekutimit të vendimeve me burg”.
