Policia e Shtetit bën me dije se një shtetas i identifikuar me inicialet A.L. banues në Bërdicë e Madhe në Shkodër është arrestuar, pasi ndaj tij ka një urdhër ndalimi të lëshuar nga gjykata për disa akuza.
Sipas bluve, 45 vjeçari një vit më parë ka tentuar të vrasë me armë zjarri shtetasin XH.V. banues në Shkodër.
Gjykata e Shkodrës ka gjykuar çështjen e tij dhe e ka shpallur fajtor për akuzat e “armëmbajtje pa leje” dhe “vrasje me dashje e mbetur në tentativë”.
Materialet iu referuan Prokurorisë së Shkodrës për veprime të mëtejshme.
