Në vitin 2005, Ahmet Ajeti tentoi të ekzekutonte Lulzim Berishën, ndërkohë së fundmi është dhënë vendimi për të.
Gjykata e Durrësit ka dënuar me 16 vite burg, Ahmet Ajetin.
Rikujtojmë se në vitin 2005, Osman Karpuzi dhe Ahmet Ajeti u porositën për vrasjen e Berishës nga Endrit Dokle dhe Adriatik Coli, në këmbim të 80 mijë eurove.
Kështu, në 30 gusht 2005, ata shkuan drejt lokalit të Berishës, por Ahmet Ajeti u vetëplagos pa dashje dhe si rrjedhim, vrasja e Lulzim Berishës mbeti në tentativë.
Në vitin 2018-të, Gjykata për Krimet e Rënda pranoi të rihapë çështjen për Ahmet Ajetin.
