Policia e Vlorës ka bërë të mundur zbardhjen një ngjarje që ka ndodhur në muajin gusht, ku një 31-vjeçar ka rënë në pranga, pasi ka tentuar të vrasë një shtetas me inicialet A.M. Ngjarja është shënuar në 6 gusht të këtij viti, ku në lagjen “Pavarësia” Vlorë, Fatjon Aliraj ka tentuar të vrasë me armë zjarri shtetasin A.M.
“Seksioni për Krimet Kundër Personit dhe Pasurisë pranë Drejtorisë Vendore të Policisë Vlorë, ka bërë të mundur kapjen dhe ndalimin e këtij shtetasi në bazë të urdhërit të ndalimit të prokurorit datë 12.08.2018, si autorin e dyshuar në lidhje me ngjarjen e datës 06.08.2018, ku në lagjen “Pavarësia” Vlorë, Fatjon Aliraj ka tentuar të vrasë me armë zjarri shtetasin A.M”, thuhet në njoftimin e policisë.
Policia bëri ndalimin e tij për veprat penale “Vrasje me paramendim e mbetur në tentativë, kryer në bashkëpunim” dhe “Mbajtje pa leje të armëve luftarake dhe municioneve”.
