Policia ka vënë në pranga një 32-vjeçar, pasi ka tentuar që të futet me forcë në Kryeministri. Shtetasi A. Latifi, një ditë më parë ka tentuar të futet me dhunë në ambientet e Kryeministrisë.
I riu ka goditur njërin prej punonjësve të Gardës së Republikës që shërben tek dera e Kryeministrisë, ku synonte futjen brenda ambienteve të saj.
“Specialistët për Hetimin e Krimeve në Komisariatin e Policisë Nr. 1, bënë arrestimin në flagrancë të shtetasit A. L., 32 vjeç, për veprën penale “Prishja e qetësisë publike”, pasi ka goditur kabinën e rojeve të sigurisë së Gardës së Republikës dhe ka tentuar të futet në ambientet e Kryeministrisë”, njofton policia.
