Forca të shumta policie kanë rrethuar disa nga banesat që do të prishen nga Inspektoriati Kombëtar i Mbrojtjes së Territorit.
Raportohet se drejt Shkozës është nisur edhe ish-deputeti demokrat, Aldo Bumçi.
Prej ditësh, situata vijon të jetë e tensionuar, teksa pritet prishja e ndërtesave.
Kjo pasi IKMT ka njoftuar për t’u shembur disa nga banesat, në kuadër të projektit të Unazës Lindore të kryeqytetit.
Një ditë më parë u rrafshua vetëm njëra, ndërsa banorët janë të frikësuar për atë që do të ndodhë me shtëpitë e tyre.
