Banorët e zonës së “Astirit” i janë drejtuar sërish dyerve të Bashkisë, për të protestuar kundër prishjes së banesave të tyre. Duke iu referuar incidentit të fundit në dyert e Bashkisë, policia ka marrë masa, duke krijuar një kordon në oborrin e institucionit.
Në një zë, ata bashkërisht kanë kërkuar takim me përfaqësues të Bashkisë Tiranë, për të gjetur një zgjidhje që çon në shpronësimin e tyre. Situata ka agravuar, ndërsa ata kanë hedhur tymuese.
Pronarët e objekteve të palegalizuara kanë refuzuar ofertën e kryetarit të Bashkisë Tiranë, Erion Veliaj, për mbulimin e 3 viteve qira.
