Presidenti i Greqisë Prokopis Pavlopulos, ka sulmuar ashpër qeverinë Shqiptare, nëse ajo pretendojn të diskutojë për çështjen çame. Ai e ka kërcënuar vendin tonë me anëtarësimin në BE nëse bëhet pjesë e diskutimeve mes shteteve çështja çame. Gjatë një takimi me ushtarakë të bazës ajrore luftarake në qytetin e Larisës, kreu i shtetit tha prerë se çështja çame nuk ekziston. Ai e cilësoi të papranueshëm qëndrimin e qeverisë shqiptare për këtë çështje, shkrua newsit.gr. 
“Është e papranueshme që udhëheqja e Shqipërisë në këto momente të ngrejë çështjen çame. Përveç faktit se kjo çështje nuk ekziston, është më mirë që Shqipëria të mos kujtojë se çfarë do të thotë historia e të ashtuquajturave çamë gjatë periudhës së mizorive naziste në Greqi, nëse dëshiron të ketë ndonjë perspektivë europiane”, tha Presidenti i Greqisë.
Pa e fshehur gjuhën e ashpër, me të cilën po artikulonte kërcënimet për perspektivën europiane të Shqipërisë, Pavlopoulos tha se historia e çamëve në Greqi është më mirë të harrohet sesa të risillet në aktualitetin politik. “Më vjen keq që jam kaq i ashpër, por në ditë të tilla si kujtimi i holokaustit, ata guxojnë të flasin për çamët. Më mirë të mos kujtojmë historinë e atyre që u shfaqën si çamë në hapë- sirën greke”, ka deklaruar Pavlopoulos.
Ndërsa me tone po aq të ashpra, Pavlopoulos ka folur dhe për Shkupin, dhe për negociatat në lidhje me emrin e Maqedonisë. Ai është shprehur se duhet që të gjendet një zgjidhje.
“Një pikë tjetër ku dua të ndalen është çështja e emrit të ish- Republikës Jugosllave të Maqedonisë: Ne e kemi bërë të qartë qëndrimin tonë. Ajo po kërkon të anëtarësohet në Bashkimin Evropian dhe në NATO. Por për ta bërë këtë, duhet të plotësojë kushtet për t’u bërë anëtare e NATO-s dhe Bashkimit Evropian. Një parakusht themelor – siç është pranuar tani nga NATO dhe Bashkimi Evropian – është zgjidhja e emrit”. TIRANA TODAY
