Është tensionuar sërish situata, teksa protestuesit janë përleshur me policinë duke hedhur bomba molotov por edhe sende të forta, ndërkohë që kreu i PD-së mbante një fjalim.
Ky i fundit, duke parë tensionimin e situatës, u ka bërë thirrje qytetarëve që të mos cenojnë policët, për të cilët ka thënë se janë vëllezërit tanë.
“Mos cenoni efektivët e policisë. Policët janë vëllezërit tanë. Beteja jonë është me krimin dhe qeverinë e lidhur me krimin. Ruani qetësinë. E di zemërimin tuaj, ora e Shqipërisë evropiane po afron. Forca jonë është bashkimi, është qëndresa, Rama ik!”, tha Basha ndërkohë që protestuesit janë përplasur me policinë.
Kjo e fundit, ka reaguar duke hedhur gaz lotsjellës, duke bërë që të shpërndajë turmën./ Tirana Today
