Policia e Kosovës ka arrestuar në Mitrovicë të Veriut shefin e të ashtuquajturës zyrës për Kosovën, Marko Gjuriç. Ndërkohë, në veri të Mitrovicës, është lëshuar sirena e alarmit, e cila simbolizon gjendje të jashtëzakonshme.
Arrestimi ka ndodhur në tubimin serb në Kosovë, ku Gjuriç ka shkuar duke shkelur urdhrin e autoriteteve kosovare të cilat ia kishin ndaluar hyrjen.
Ndërkohë, arrestimin e ka konfirmuar edhe Naim Murseli, Këshilltar politik i Ministrit të Punëve të Jashtme (MPJ), Behgjet Pacolli.
Njësitë speciale të Kosovës me autoblindat e tyre dhe me armë kanë rrethuar objektin ku ndodhej Marko Gjuriç dhe Nikola Selakoviç.
Ata kanë ardhur në Kosovë për të mbajtur një debat për dialogun e brendshëm të Serbisë për Kosovën, por nuk kanë marrë leje nga qeveria e Kosovës.
