Militantët e Partisë Demokratike në Kamëz kanë vendosur që të zbatojnë dekretin e presidentit Meta për të shtyrë datën e zgjedhjeve. Me tensione ka nisur dita e sotme, ku një grup personash kanë tentuar të hapin me forcë portën e shkollës ku ndodhen materialet zgjedhore të kësaj KZAZ, dhe pas disa tentativave e kanë hapur.
Policia ndodhet në vendngjarje dhe po nxjerrin me forcë militantët e PD-së nga ambientet e KZAZ, duke përdorur një spraj lotsjellës.
Bashkia Kamëz drejtohet nga Partia Demokratike, ku kryetar është Xhelal Mziu, i cili ka deklaruar se do të njohë dekretin e ri të Presidentit Meta.