Gjatë mbrëmjes, situata është tensionuar në Kavajë, ku ka patur edhe përleshje midis protestuesve dhe policisë. Me dhjetëra persona po përpiqen të hyjnë në ambientet e KZAZ-së nr 42, ndërsa janë përballur me forca të shumta të policisë.
Policia po përdor bomba tymuese kundër tyre, duke parandaluar hyrjen në ndërtesë.
Në kundërpërgjigje, qytetarët kanë hedhur sende të forta në drejtim të policisë, dhe kanë shkulur një pjesë të kangjellave rrethuese.
Protestuesit kanë thyer derën e ndërtesës dhe po tentojnë të hyjnë brenda.
Militantët e opozitës kërkojnë lirimin e ambienteve të KZAZ-së.
