Lojë e bukur, 5 gola dhe tensione shoqëruan superndeshjen që hapi fazën e dytë mes Luftëtarit dhe Teutës që u zhvillua në Gjirokastër. Janë “Djemtë e detit”që dolën të fituar në këtë sfidë me shumë fat në një rezultat 2-3, pas 7 javësh me plot polemika dhe zhgënjim. Ku pati pezullime, largime dhe rezultate shumë të dobëta, plot 5 humbje dhe dy barazime. Ndërsa Luftëtari i Likës në këtë sfidë ka qenë shumë pa fa, pasi ka zhvilluar ojë mjaft të bukur dhe ka krijuar shumë raste sidomos në pjesën e dytë por që u mbyll me humbje nga at duke qëndruar vetëm në vendin e tetë. Ndërsa Teuta i bashkohet Laçit dhe Partizanit me 11 pikë në vendin e 7, ku këto të dyja do të përballen me njëra tjetrën. Serinë e golave e hapi në minutën e 34-t sulmuesi i Teutës, Latif Amadou i cili goditi saktë me kokë pas një topi të marrë nga iraniani Reza Karimi.
Me këtë rezultat u mbyll pjesa e parë, por që barazohet nga dhomat e zhveshjes, pasi në sekondat e para të së dytës me autor goli Bregun. Megjithatë nuk vonoi shumë dhe Teuta gjeti sërish epërsinë me boshnjakun Dediç që ekzekutoi në mënyrë perfekt një goditje standarde. Në minutën e 70-të ishte sërish Dediç ai që vulosi fitoren e Teutës teksa kthehu në gol një penallti të dyshimtë të akorduar nga gjyqtari. Pas përpjekjeve të shumta Luftëtari gjeti golin e dytë por ishte shumë vonë pasi në të 89-ën Sykaj e dërgoi topin në rrjetën e tij. Të pafat gjirokastritët që më herë kur rezultati ishte 1-1 goditën traversën me Abazajn dhe kur shifrat ishin 1-3, një predhë e Dejvi Bregut nga distanca u ndal nga shtylla. Pas fitores ndaj Lushnjës bluzinjtë u rikthyen me këmbë në tokë, ndërkohë që trajneri Hasan Lika u mposht nga ish skuadra e tij.
Blerim Ziri, gjyqtari që vendosi drejtësinë në këtë sfidë është kontestuar shumë nga tifozët e pranishëm në stadium për penalltinë e dhënë në favor të Teutës dhe për disa episode të tjera gjatë ndeshjes. Kjo ka bërë që ai të shoqërohet nga forcat e rendit gjatë largimit nga stadiumi.
