Vijon të jetë i lartë rreziku nga zjarret për shkak të temperaturave të larta.
Sipas Emergjencave Civile, megjithëse situata ka pësuar përmirësim krahasuar me një ditë më parë, ku pati 11 vatra zjarri aktive, përsëri rreziku mbetet i lartë.
Në 24 orët e fundit pati 2 vatra zjarri në Dibër dhe Lezhë
Në Dibër, në fshatin Gurë Lurë, ka rënë zjarr në një sipërfaqe me shkurre dhe pisha. Shërbimi vendor i MZSH Dibër, ka shkuar në vendngjarje dhe ka punuar me mjete rrethanore për shuarjen e zjarrit për shkak të terrenit të thyer malor, e megjithatë është djekgur një sipërfaqe rreth 2 ha me shkurre dhe disa pisha.
Ndërsa në Qarkun Lezhë, në Laç nga rënia e zjarrit është djegur një sipërfaqe e konsiderueshme me shkurre dhe pisha.
Drejtoria e Përgjithshme e Emergjencave Civile u kërkon të gjithë qytetarëve që në rast se konstatojnë zjarre, të njoftojnë menjëherë në numrat e emergjencave 112, 129, apo në Qendrën Kombëtare Operacionale të Emergjencave Civile në numrin 06941 10 198.
