Kjo javë që sapo nisi do të ndikohet nga masa ajrore të nxehta me origjinë nga Afrika e Veriut të cilat do të ushtrojnë aktivitetin e tyre kryesisht në Evropën Perëndimore. Vendi ynë do të jetë më pak i prekur nga këto masa ku dita më e nxehtë për këtë javë parashikohet të jetë e marta dhe e mërkura ku termometri maksimal pritet të shënojë vlerën e 37°C.
Moti do të jetë i kthjellët e vranësirat kalimtare do të bëhen prezente në orët e mesditës kryesisht përgjatë relieveve malore. Era do të jetë nga kuadrati i Perëndimit me shpejtësi deri në 15m/s, kryesisht përgjatë vijës bregdetare në orët e mesditës dhe pasdites.
