Tërmeti shkatërrimtar i 26 nëntorit dëshmoi se solidariteti ndërkombëtar kundrejt Shqipërisë nuk mungon.
Fatkeqësisht pasojat që la pas ishin fatale, 51 jetë të humbura dhe qindra persona të plagosur.
Njerëz të thjeshtë, të famshëm e biznesmenë, janë bërë bashkë për këtë kauzë dhe në mënyra nga më të ndryshmet po japin kontributin e tyre.
Të njëjtën gjë po bën edhe televizioni grek, “ERT”, i cili ka nisur një transmetim maratonë.
Prej ditës së djeshme ata po presin në studio telefonata nga njerëz të ndryshëm. Çdo telefonatë vlen 3 euro dhe paratë e mbledhura do të shkojnë në Kishën Ortodokse, aty ku po mblidhen fonde për të prekurit nga tërmeti.
Transmetimi maratonë mbyllet ditën e nesërme.
