Kolonel Dritan Demiraj thotë se ushtarët italian po varrosen për grek në Shqipëri. Ish-komandant i Forcave Speciale të Ushtrisë, Demiraj ka reaguar lidhur me varrin e ‘ushtarit grek’ të gjendur në Dragot të Tepelenës. Ish-ministri i Brendshëm, Demiraj thotë se grekët vazhdojnë ende të pompojnë historitë e gënjeshtrave.
“Bëhet fjalë për varrin e një ushtari italian, dhe kjo është e qartë si nga grada e korporalit (tetar), por edhe nga shkronjat e alfabetit latin në medaljon, deklaroi Demiraj në një prononcim për Politiko.al
Kujtojmë se qeveria shqiptare ka rënë dakord me qeverinë greke për ngritjen e varrezave të ushtarëve grekë të vrarë në Luftën e Dytë në territorin tonë, vendim që është mbështetur dhe nga opozita(lajmin e plotë lexoje këtu) . Por për këtë ka reaguar ashpër kryetari i PDIU-së, Shpetim Idrizi i cili ka bërë akuza të forta duke folur për “bamirësi e vasalitet nga qeveritë e majta e të djathta për 120 vend zhvarrime të reja në hartën e Vorio – Epirit”(lajmin e plotë lexoje këtu)
Në fshatin Dragot të Tepelenës kanë filluar gërmimet për gjetjen e eshtrave të ushtarëve grekë, të vrarë gjatë luftës italo-greke.
Por tabela që ka mbajtur ushtari, eshtrat e të cilit janë zbuluar sot, ngre dyshime për kombësinë e tij. Numrat dhe shkronjat janë në alfabetin latin, ndërsa grada është e shkruar në italiasht “caporale”, që në shqip përkthehet “tetar”( Grada më e ulët, e cila i jepet atij që komandon një skuadër). Ndërkohë mbiemri i ushtarit është Greco, shumë i përdorur në Itali, por që nuk mungojnë as rastet e përdorimit në Greqi.
