Botohet në Fletoren Zyrtare vendimi i qeverisë për Teatrin Kombëtar.
Vendimi, i cili është miratuar rreth dy muaj më parë, ka për qëllim ngritjen e një komisioni që do të vlerësojë negocimin e kontratës me palën private dhe më pas do ketë në objekt realizimin e projektit të zhvillimit të zonës së Teatrit Kombëtar.
Ky vendim i hap rrugë ngritjes së komisionit për realizmin e procedurave të vlerësimit dhe negocimit të kontratës me objekt realizimin e projektit të zhvillimit të zonës së Teatrit Kombëtar, përfshirë projektimin, ndërtimin dhe dorëzimin e godinës së re të Teatrit Kombëtar, si dhe hartimin e kontratës me palën private të përzgjedhur.
