Kryeministri Edi Rama deklaroi se godina aktuale e Teatrit Kombëtar do të shembet për t’i hapur rrugë ndërtimit të godinës së re. Sipas tij, kushtet e teatrit aktual nuk janë aspak të favorshme dhe nuk mund të quhet më një teatër kombëtar, pasi ai i ngjan një teatri komune.
“Është një debat që përsëritet. Godina e vjetër do të shembet, sepse është çdo lloj standardi për tu quajtur Teatri kombëtar, por duket si teatër komune”-tha Rama.
Lidhur me debatin se teatri do të shoqërohet me kulla, shefi i qeverisë theksoi se nuk është kjo çështja, pasi nuk ka ndonjë mëkat edhe nëse do kishte. Gjithashtu Rama nënvizoi se aktorët me ndërtimin e teatrit të ri do kenë 3 herë më shumë sipërfaqe në krahasim me aktualin.
Deklarata e Ramës
Është një debat që përsëritet. Godina e vjetër do të shembet, sepse është çdo lloj standardi për tu quajtur Teatri kombëtar, por duket si teatër komune.Mes Sipërmarrjes , qeverisë dhe Bashkisë së Tiranës po punohet për tri dhënë teatrin këtij vendi. Tashmë janë pjekë kushtet dhe jemi gati.
Natyrisht që Turbina nuk është zëvendësuesja e përhershme, por një alternativë. Ajo do të jetë aty edhe pasi teatri do të ndërtohet. Po shikojmë legjislacionin, dhe kjo krijoi një debat absurd, por duhet zgjidhur.Ajo që ne duam të bëjmë, është që ministria dhe qeveria të mos jenë përgjegjëse për suksesin dhe mungesën e tij, por atë ta kenë aktorët. Kjo pastaj të bë het se kush është më i zoti, të marrë çmimin dhe atë që meriton.
Kemi bërë për teatrin me qa sa kemi patur mundësi. Fondet janë rritur 20% për qind, por nuk mjaftojmë, rritja e shfaqjeve dhe spektatorëve janë tregues inspirues. Do të keni 9000 mijë metra. Do të këtë një shumëfishim sipërfaqesh për të gjithë artistët. Hapësira e teatrit do të trefishohet. Godina shembet dhe mbi rrënojat do të nisë i riu. Teatri projekt i PPP-së.
Nuk është një teatër me kullë, por edhe nëse do të ishte nuk do të ishte ndonjë mëkat i madh. Historia nuk është se çfarë ka sipër apo se çfarë ka poshtë.
