Një sulm me armë në Suedi, ka sjellë plagosjen e tre personave të cilët raportohen se janë në gjendje të rëndë. Tre personat e plagosur janë dy burra në të 20-at dhe të 30-at, dhe një grua te të 60-at. Të shtënat kanë ndodhur në qytetin e Kristianstad, pranë një qendre tregtare. Të tre personat e plagosur janë dërguar në spital, për të marrë ndihmë mjekësore, ndërkohë që në vendngjarje ambulancat kanë shkuar për të marrë të lënduarit e tjerë.
Një ‘operacion i madh policor’ është duke u zhvilluar në Kristianstad, pasi të shtëna të shumta u dëgjuan në orën 3:40 pasdite. Policia tha se tre persona janë shtruar në spital me plagë të shkaktuara nga armë zjarri.
“Disa njerëz janë gjetur në vende të ndryshme në zonë, me plagë të dyshuara me armë zjarri”, u shpreh Rickard Lundqvist, zëdhënës i policisë.
Dëshmitarët thanë se vendi i rrethuar nga krimi, ndodhet pranë një qendre tregtare. Nasby është klasifikuar nga policia si një zonë e cenueshme me një numër trazirash dhe vrasjesh të fundit në rreth. Zona ka një shkallë të lartë të papunësisë, dhe nivele të ulëta arsimore, sipas policisë.
Burimi i lajmit: dailymail. Përshtatur nga Tirana Today
