Një ngjarje e rëndë ka ndodhur në qytetin e Ostravas në Çeki, ku 6 persona kanë mbetur të vdekur në një spital nga të shtënat me armë zjarri.
Mediat lokale raportojnë se një person ka hapur zjarr në rrethana ende të paqarta në spitalin e qytetit duke u arratisur pasi shkaktoi një masakër të vërtetë.
Policia ka publikuar një foto të personit të dyshuar dhe është vënë në ndjekje të tij.
Fillimisht u raportua për 4 viktima dhe dy të plagosur, por fatkeqësisht bilanci u thellua duke shkuar në 6.
