Pasditen e sotme janë dëgjuar të shtëna me armë zjarri në fshatin Gjoricë të Bulqizës. Nga raportimet paraprake, mësohet se nuk ka të lënduar.
Autori me inicialet R.K., ka qenë duke udhëtuar me një automjet tip ‘Golf’ kur ka qëlluar me automatik nga dritarja e makinës drejt banesës së shtetasit D.R.
Ky i fundit ka njoftuar menjëherë policisë e cila ka mbërritur në vendngjarje dhe punon për kapjen e autorit.
“Rreth orës 17.40, në fshatin Gjoricë, shtetasi R. K., me një automjet tip ‘Golf’, dyshohet se ka qëlluar nga dritarja e makinës në ajër, me armë zjarri atutomatik, para banesës së shtetasit D.R., i cili ka njoftuar menjëherë policinë.
Shërbimet e policisë kanë shkuar menjëherë në vendngjarje, po bëhet krehja e zonës për kapjen e autorit.
Grupi hetimor po punon për sqarimin e rrethanave të ngjarjes”, njofton policia.
