Rritet bilanci i viktimave nga ngjarja që tronditi ditën e sotme Prishtinën. Ka ndërruar jetë në spital edhe personi i dytë, i cili mbeti i plagosur në Lagjen e Spitalit.
Lajmi është konfirmuar edhe nga zyra për informim e QKUK-së, ndërsa mësohet se viktima identifikohet si M. Rafuna.
Katër persona u qëlluan me breshëri kallashnikovi pasditen e sotme, pas një sherri për çështje pronësie. Njëri prej tyre ndërroi jetë në vend, ndërsa tre të tjerët u dërguan në spital në gjendje të rëndë për jetën. Ndërkohë, bëhet me dije se ka ndërruar jetë edhe njëri prej të plagosurve.
Ende nuk dihen detaje mbi rrethanat e kësaj ngjarjeje.
