Met Elshani, i njohur si menaxheri i VIP-ave ka mbetur i plagosur pas disa të shtënave me armë zjarri pasditen e sotme në Prishtinë.
Mediat kosovare bëjnë me dije se Elshani ka marrë dy plumba në këmbë dhe është jashtë rrezikut për jetën, ndërsa mësohet se policia ka vënë në pranga 4 persona si të dyshuar dhe ka sekuestruar tre armë zjarri.
Pak çaste më vonë se të ndodhte ngjarja, Elshani postoi një mesazh në rrjetet sociale, në të cilën shkruante: “Faleminderit për brengosjen, jam mirë.”
Met Elshani është menaxheri i shtëpisë diskografike “On Records”, ku ka në menaxhim shumë këngëtarë të njohur si Kida, Fero etj.
