Të shtëna me armë zjarri janë regjistruar pasditen e sotme në qytetin e Vlorës. Mësohet se ngjarja ka ndodhur pranë shkollës ”24 Maj”, te Tregu i Orizit.
Sipas informacioneve paraprake, mësohet se shkak është bërë një konflikt i ndodhur në një lokal të zonës.
Raportohet se persona ende të paidentifikuar kanë qëlluar me armë zjarri në drejtim të një personi, i cili fatmirësisht nuk ka mbetur i lënduar.
Policia ndodhet në vendngjarje dhe po punon për zbardhjen e rrethanave, teksa janë shoqëruar disa persona.
