Kreut të PDIU-së, Shpëtim Idrizit duket se i është sosur durimi, teksa është larguar para pak minutash nga emisioni “Studio e hapur” në Neës24.
Incidenti ka ndodhur pasi Idrizi është përballur me publicistin Orfea Beci, qëndrimin e të cilit e ka quajtur provokim.
Nga studio e Gjirokastrës publicisti Orfea Beci mori fjalën menjëherë pas deklaratave të Shpëtim Idrizit, por e quajti “çështje ullinjsh” çështjen çame. Kaq është dashur që të ndizen gjakrat dhe Idrizi të ngrejë zërin.
Madje, Idrizi ka tentuar të largohet nga studio, ndërsa herën tjetër është larguar, duke thënë shkurt para se të ikë:
“Të shkojë të pyesë gruan për çështjen çame!”
Para se të largohej, Shpëtim Idrizi se çështja çame nuk mund të evitohet dhe se për të ka disa dokumente, mes tyre një rezolutë të parlamentit. Megjithatë Idrizi u shpreh se deri tani sipas tij janë zgjidhur vetëm problemet e Greqisë nga bisedimet në Kretë dhe në Korçë.
