Mbrojtësi i Real Madridit, Sergio Ramos, është shprehur se dëshiron që Messi të qëndrojë te Barcelona. Por sipas tij, argjentinasi e ka fituar të drejtën për ta vendosur vetë të ardhmen e tij.
“Është diçka tek e cila ne nuk jemi përqendruar, por Messi ka fituar të drejtën për të qenë në gjendje të vendosë për të ardhmen e tij. Duke thënë këtë, për ligën spanjolle, për Barçën dhe për ne të tjerët, do të dëshironim që ai të qëndronte, sepse duam gjithmonë më të mirët përreth”, tha ai.
Ramos do të vazhdojë të merret me të ardhmen e tij, pasi 34-vjeçari hyn në vitin e fundit të kontratës me Real Madridin.
“Është diçka që ende duhet ta trajtojmë, por as unë dhe as klubi nuk jemi në ankth. Kam kaluar vite me Real Madridin dhe kurrë nuk kam menduar në të vërtetë të largohem. Jam i sigurt se do të arrijmë një marrëveshje të përshtatshme, reciprokisht. Fokusi im tani janë përgatitjet për një sezon të fortë përpara”, u shpreh ai.
