Të rinjtë e Forumit Rinor të Partisë Demokratike, kanë mbajtur sonte një homazh para kryeministrisë, për viktimat e Covid-19.
Ata kanë ndezur qirinj dhe kanë pasur me vete pankarta ku shkruhej “Homazhe në nder të viktimave të Covid-19”.
Në pankartat e tjera shkruheshin fjalë kundra kryeministrit, Edi Rama të tilla si:“Sikur të mos mjaftonte sëmundja vrastare, vuajmë nga neglizhenca qeveritare” apo: “Ndalo vjedhjen, ndihmo shqiptarët”.
Partia Demokratike ka akuzuar qeverinë se ka keqmenaxhuar pandeminë dhe për rrjedhojë, ka sjellë vdekje të shumë personave nga Covid-19.
