Avokati i njohur, Spartak Ngjela i ftuar në studion e lajmeve në ‘Ora News’ ka folur rreth krizës politike në vend, ndërsa thekson se politika po pret qëndrimin amerikan.
Ndër të tjera, Ngjela beson se Lulzim Basha mund të jetë ‘kërcënuar’ politikisht gjatë vizitës së tij në Gjermani, pasi nënvizon se kreu i PD nuk ka treguar ende se për çfarë kanë diskutuar.
“Po vajte në një vend të perëndimit, dhe kthehesh pa thënë se ç’të thanë, dije se të kanë kërcënuar”, deklaroi Ngjela.
Ndërkohë, Ngjela tha se zv.ndihmës Sekretari i Shtetit për Çështjet Evropiane dhe të Euroazisë, Matthew Palmer do të jetë personi që do të zgjidhë ngërçin politik në Shqipëri.
“Ne tani e dimë qëndrimin e politikës gjermane, por ne po presim qëndrimin e politikës amerikane dhe këta prandaj po heshtin. Nuk pranon njeri destablizimin në Shqipëri. Nëse ti kërkon zgjedhje të lira dhe të ndershme dhe nuk je në parlament si do ti fitosh zgjedhjet? Me revolucion! Kjo nuk ndodh.”, tha avokati.
