Moderatorja e njohur, Dajana Shabani ka reaguar pas përgjimit të publikuar në mediat, mes saj dhe Hermes Nikajt i njohur ndryshe si Zogu i Tiranës.
Në telefonatën në fjalë moderatorja i kërkon Hermesit të shkojë të votojë në zgjedhjet e zhvilluara më 30 qershor. Si këmbim për këtë veprim moderatorja i thotë se do t’i japë 20 mijë lekë të vjetra.
Dajana ka zgjedhur të sqarojë publikun përmes një videoje të shpërndarë në Instagram. Sipas saj, “situata e blerjes së votës” ka qenë një batutë e bërë live në emisionin e tyre.
https://www.instagram.com/p/B6qQrsxA5cc/?utm_source=ig_web_copy_link
“Përshëndetje të dashur miq, ju marr vetëm pak minuta për të bërë një sqarim. Ka një tendencë dashakeqe nga portalet që kur është arrestuar kolegu im, për të më lakuar me se s’bën emrin. Unë nuk mund të mbaj përgjegjësi për jetën personale dhe private të një kolegu.
Më pas po përmendem për shit-blerje vote! Kjo është një batutë e bërë live në emisionin tonë dhe është një batutë mes miqsh. Pra ju lutem në rastin kur përmendni emrin tim, mos bëni tituj që nuk kanë të bëjnë me përfshirjen time në shumë çështje. Ju uroj gëzuar festat, faleminderit që më ndoqët dhe siç do thoshte një Miss ‘Paqe në Botë’”, thotë ajo në videon e postuar.
Ndërkohë krahas videos ajo shkruan se: “Me shkeljen e privatësisë,dhe nxjerrje të bisedave private dhe kofidenciale,do merret avokati im! Se nëse akoma nuk e dini,quhet shkelje e privatësisë”.
