Gjykata penale e Tiranës ka rrëzuar kërkesën e Tire Alldervishit për zëvendësim të masës së sigurisë nga “arrest në burg”, në një masë më të butë. Sanitarja u prangos pas denoncimit nga emisioni “Stop”, se kishte marrë një shumë prej 8 milion lekësh nga vajza e një pacienteje të sëmurë me Covid-19.
Emisioni “Stop” publikoi detaje të rënda nga historia e sanitares Tire Alldervishi të spitalit Covid 2, që i mori 8 milionë lekë të vjetra vajzës së pacientes që vdiq nga koronavirusi, me qëllim që t’i shërbente. “Stop” publikoi mesazhet dëshpëruese që pacientja e ndjerë i dërgonte Alldervishit, ku i lutej për t’i dhënë ushqim.
“Të hënksha m****, hajde 1 sekondë”.
“O Tire, hajde të hënksha m****. Ku je? Hajde”.
“A e takove Anin”.
Viktima që ndërroi jetë në spitalin Covid 2 në fund të dhjetorit, i është përgjëruar Tires për bukë dhe ujë, edhe pse kjo e fundit merrte para nga vajza e pacientes, që Tire Alldërvishi t’i shërbente të ëmës. Në datën 6 dhjetor, në mëngjes, pacientja e ndjerë i drejtohej Tires: “Të hënksha m****, hajde 1 sekondë”.
