Menjëherë pas sulmeve terroriste të 11 shtatorit 2001 në SHBA, u shfaqën shumë teori konspirative, që sfiduan shpjegimin zyrtar të qeverisë amerikane. Disa prej tyre, përmbajnë disa argumente bindëse, të tjerat ajo. Por ja cilat janë 11 teoritë më kryesore, dhe njëherazi më intrigueset:
- Disa tregtarë, kishin dijeni për sulmin para se ai të ndodhte
Pak minuta para sulmeve të 11 shtatorit, disa biznese pranë Qendrës Botërore të Biznesit, mbyllën bizneset e tyre, dhe u larguan me shpejtëi. Po ashtu shumë prej tyre kishin paguar shumë të mëdha pak kohë më parë, tek disa kompani sigurimesh për sipërmarrjet e tyre. Shumë njerëz spekulojnë se tregtarët ishin larguar pas dijenisë paraprake mbi sulmet, duke përfituar
nga tragjedia. Më vonë pati një hetim, pas dyshimeve se Osama Bin Laden kishte marrë informacione nga të paktën një kompani në Uoll Strit.
- Mbrojtja ajrore u urdhërua të mos reagonte
Në rast se një avion rrëmbehet në SHBA, Komanda e Mbrojtjes Hapësinore të Amerikës së Veriut (NORAD), është e përgatitur të dërgojë në pak minuta avionë luftarakë, që mund të dëmtojnë ose rrëzojnë avionin e rrëmbyer, në mënyrë që ai të mos kryejë dëme më të mëdha. Më 11 Shtator, gjeneralët e NORAD, thanë se mësuan në kohë mbi rrëmbimet e avionëve, ndaj mund t’i rrëzonin ata para se të përplaseshin mbi Kullat Binjake. Por disa besojnë se NORAD, ishte urdhëruar të mos reagonte.
- Kullat u rrëzuan jo nga avionët që u përplasën mbi to, por nga bombat
Shembja e Qendrës Botërore të Tregtisë, u duk e ngjashme me një shkatërrim të kontrolluar. Shumë njerëz spekulojnë se kullat u hodhën në erë me eksploziv, që ishte vendosur në disa pika të caktuara. Disa dëshmitarë, thanë se kishin dëgjuar shpërthime brenda ndërtesës, në kohën kur po përpiqeshin të shpëtonin. Shumë arkitektë dhe shkencëtarë, kanë deklaryuar se karburanti i një avioni sado të madh, nuk mund të prodhojë dot një nxehtësi të mjaftueshme, për të shkrirë strukturën e e çelikut të të dyja ndërtesave që u rrëzuan.
- Sulmi mbi Pentagon, nuk u qëndron fakteve shkencore
Teoricienët e komplotit, mendojnë se gjurma e shkaktuar nga përplasja e avionit mbi Pentagon, ishte shumë më e vogël se ajo e një avioni komercial të linjës “American Airlines”. Ata pyesin ndërkohë se përse se avioni nuk u rrëzua para përplasjes, dhe pse avioni u përplas pikërisht në një pjesë të Pentagonit që ishte bosh, për shkak të rikontruksionit.
- Rrëzmi i ‘Fluturimi 93’, ishte tërësisht i inskenuar
Avioni i katërt që u rrëmbye, i ashtuquajturi ‘Fluturimi 93’, u rrëzua në Shenksvil të Pensilvanisë. Besohet se pasagjerët në bord, u përleshën fizikisht me pengmarrësit, dhe e rrëzuan aeroplanin në një fushë të hapur. Por disa besojnë se ‘Fluturimi 93’, u ul në mënyrë të sigurtë atë ditë, ndërsa një aeroplan zëvendësues u qëllua që kur ishte në ajër. Teoricienët e tjerë, besojnë se pasagjerët u vranë ose u zhvendosën me banim me vende të tjera, dhe nuk do të gjenden kurrë.
- Rrëmbyesit i shpëtuan sulmeve, përndryshe si i mbijetuan shpërthimit pasaportat e tyre?
Pas sulmeve të 11 Shtatorit, një dokumentar pretendoi se të gjithë rrëmbyesit ishin në të vërtetë gjallë në vendet e tjera. Në parim, kjo mund të kundërshtohet me arsyetimin se është e mundur që dy njerëz të ndryshëm, të kenë emra identikë.
Por autorët e dokumentarit parashtruan një argument të fortë; si i shpëtuan shpërthimit pasaportat e terroristëve? Pas sulmeve, u zbuluan pasaportat dhe mjetet e tjera të identifikimit, që u servirën si prova. Shumë skeptikë pyesin se si ka mundësi diçka e tillë.
- Telefonatat e kryera me celularë nga avionët e rrëmbyer, ishin të rreme
Disa ekspertë pretendojnë, se telefonat celularë nuk mund të kishin valë në lartësinë që fluturojnë zakonisht avionët. Skeptikë të tjerë, vunë në dyshim një telefonatë nga një djalë tek nëna e tij, në të cilën ai e identifikon veten me emrin dhe mbiemrin e tij.
- Hebrenjtë e dinin se sulmi po ndodhte, ndaj ndërprenë punën më 11 shtator
Teoricienët vënë në dukje një fakt interesant:4.000 punonjës hebrenj, u larguan nga vendet e tyre të punës më 11 shtator 2001. Disa nga njerëzit e parë që regjistruan sulmet në kamera, ishin gjithashtu hebrenj. Mbi shumë prej tyre pati shumë dyshime, për rolin dhe veprimet e tyre në vendngjarje.
- Kutitë e zeza të gjetura nga avionët u mbajtën të fshehta
Gjatë javëve që pasuan sulmet, kutitë e zeza të avionë të rrëmbyer, ishin një nga sendet më të rëndësishme për t’u gjetur. Ato ishin prova e vetme mbi atë që ndodhi brenda kabinave të avionëve. 3 nga 4 kutitë e zeza u gjetën, dhe vetëm njëra ishte në gjendje mjaftueshme të mirë për t’u dëgjuar. Kaseta nuk u publikua që në fillim, por u nda me familjarët e viktimave në vitin 2002. Skeptikët besojnë se kasetat nuk u zbuluan, për të mos zbuluar të fshehtat e sulmit.
- Kaseta ku Bin Laden merr përsipër autorësinë e sulmit, është e rreme
Fillimisht, shefi i Al-Kaidës Osama Bin Laden, mohoi çdo përgjegjësi apo përfshirje në këto sulme. Menjëherë pas kësaj, dolën kaseta të shumta ku pretendohej se ai mori përgjegjësinë e plotë për sulmet. Shumë skeptikë dyshojnë se Bin Ladeni ishte në shënjestër për shkak të rolit të tij në këto sulme, por për bizneset personale të ish-presidentit Xhorxh Ë.Bush në Lindjen e Mesme.
- Avionët prej alumini, nuk mund të depërtonin dot në strukturën prej çeliku të Qendrës Botërore të Tregtisë.
Pjesa e jashtme e avionëve komercialë, është ndërtuar me një material alumini shumë të lehtë, në mënyrë që ta bëjë më të lehtë fluturimin. Ndaj, teoricienët e komplotit pohojnë se nuk ka asnjë mundësi që 2 avionë t’i shkaktonin kaq shumë dëme Kullave Binjake, siç edhe ndodhi. Teoricienët besojnë se për të siguruar shembjen e 2 godinave, u përdorën raketa ose eksplozivë./ TIRANA TODAY
