Listës së personazheve publikë të politikës dhe jo vetëm që kanë reaguar sa i përket kërcënimeve më jetë të kreut të KQZ-së, Klement Zgurit, i shtohet edhe studiuesi i njohur Aurel Plasari.
Përmes një statusi në Facebook, Plasari godet ministrin Lleshaj se ai ruan gazin lotsjellës por nuk mobilizohet për të marrë vesh se kush është kërcënuesi online. Më tej, Plasari ka postuar foton e një mesazhi duke deklaruar se edhe ai është kërcënuar më parë, nga një profil me të njëjtin emër por që nuk e ka bërë publike më parë këtë gjë.
Postimi i plotë:
“KËRCËNIME NDËRSA MINISTRI LLESHI RUAN GAZIN! Lidhur me kërcënimin ndaj Kryetari i KQZ Klement Zguri do të duhet saktësuar emri i përdorur nga kërcënuesi, sepse nga një emër pakashumë i tillë më është dërguar edhe mua një kërcenim i tërthortë dhe poshtanik, më datë 28 qershor nga fb me emrin “Emiljano Pjetri”, pra me gjasë i njëjti kërcënues.
Nuk kam dashur ta bëj publik duke më mjaftuar të kuptoj se në ç’frymë u përgatit 30 qershori i Edi Ramës. Ndonëse e di që për mbrojtjen time dhe të të mijve nuk mobilizohet ndonjë “gardë”, po e bëj publik tani së paku si të fala për ministrin Lleshi që ruan gazin lotsjellës”.
