Berisha ka sfiduar kryeministrin Rama, në një debat publik. Kreu i qeverisë kërkoi sot publikisht nga organet e reja të drejtësisë që të hetohet ngjarja e “21 Janarit” dhe e “Gërdecit” të ndodhura gjatë qeverisjes së demokratëve. Në një konferencë shtypi nga selia e Partisë Demokratike, ish-kryeministri Sali Berisha i ka dhënë përgjigje kërkesës së Ramës për këto çështje.
“E ftoj në një debat publik para jush. Të dalë, t’ia themi në sy të gjitha njëri-tjetrit. Le ti marrë me mijëra vendime që kam firmosur dhe të vijë.
T’ua nxjerrë shqiptarëve ashtu siç dilte në plazh, jo fizikisht, por moralisht. Se jetën private e dini ju, e kam ligj.
Le të nxjerrë një tender të vetëm të një kompanie ku jo fëmijët e mi, se ai është superskandal, por edhe sikur të jenë nënkontraktorë të atij tjetrit, kurrë. Ju e dini si qarkullon emri i Olsit aferë pas afere. Kudo është Rama, nuk është Olsi. Olsi i pastron ato para me sportin”, tha Berisha.
