Në Britani do të aplikohet një skemë e re e cila ka tërhequr vëmendjen e shumë personave në mbarë botën. Të burgosurit me sjellje të mirë do të kenë mundësi të mbajnë vetë çelësin e qelisë së tyre dhe ky veprim pritet që të përmirësojë sjelljen në burgje.
Aktualisht Ministria e Drejtësisë është duke shqyrtuar që të shpërblejë të burgosurit për sjellje të mirë, duke i dhënë atyre më shumë privatësi dhe liri. Disa nga shpërblimet e tjera do të jenë që të burgosurit të lejohen të gatuajnë vetë ushqimet e tyre, të bëjnë dush kur të duan si dhe do të kenë norma më të larta shpërblimi.
