Ish-nënkryetarja e PD-së, Jozefina Topalli, është e pranishme sot në Kuvendin Kombëtar, ku pritet të mbajë edhe fjalën e saj. Para nisjes së Kuvendit, ajo u shpreh për mediat se sot është dita për të bërë kthesën.
Topalli ka dhe një mesazh për deputetët e PD-së që nuk marrin pjesë, duke trumbetuar se janë në kohë për beteja të vërteta.
“Nuk është hera e parë që jemi gjendur në vështirësi. Në përgjithësi nuk jemi tërhequr. Jemi hedhur në besimet tona, është rasti për ta bërë.
Ndoshta mund të them një gjë, që dhe pa qenë në krye të PD-së dhe pa qenë deputete, njeriu duhet të gjejë forcën për të thënë të vërtetën e tij.
E vërteta është liria e individit. Jemi në një kohë që duhet të bëjmë beteja të vërteta.
E rëndësishme që bashkimi të bëhet mbi vlera, te njerëzit e thjeshtë, tek ata që kërkojnë një opozitë reale.
Ky është dëmi më i madh, nuk ka dëm më të madh për një vend se ta lësh pa opozitë, ose të kesh një opozitë farsë. Sot është dita për të bërë kthesën”, tha Topalli.
