Presidenti i Rusisë, Vladimir Putin mbërriti në Gjenevë të Zvicrës, ku po zhvillon një takim me homologun e tij amerikan, Joe Biden.
Përveç rëndësisë së bisedimeve ndërmjet dy shteteve nga më të fuqishmet në botë, ajo çka ka tërhequr vëmendjen në mediat ndërkombëtare, është avioni luksoz me të cilin u ul në aeroport kreu i Kremlinit.
Sipas gjigandit britanik The Sun, avioni ka një vlerë marramëndëse 390 milionë paund. Në brendësi të tij ndodhen një tavolinë për të zhvilluar takime e zbukuruar me ar, dhoma gjumi, një palestër, një bar edhe është i pajisur me një sistem të avancuar të komunikimit.
Dekori i brendshëm i avionit ka një stil neoklasik dhe është prodhuar nga Shoqata e Prodhimit të Avionëve “Voronezh”.
Avioni është i pajisur me një sistem të avancuar të komunikimit që i lejon asaj të veprojë si një qendër menaxhimi e aftë për të komanduar trupat gjatë luftimeve.
