Kreu i grupit parlamentar të Partisë Socialiste, Taulant Balla ka folur së fundmi lidhur me rikthimin e Tahirit si deputet i PS-së.
I ftuar në emisionin “Java”, deputeti socialist nuk e përjashtoi rikthimin e Tahirit, teksa ky i fundit u shpall i pafajshëm nga Prokuroria Antimafia italiane.
Balla tha se PD duhet t’i kërkojë falje Tahirit, ndërsa shtoi se kthimi i tij në PS është në dorën e vetë deputetit.
“Unë e thashë dhe në fillim dhe sot kanë kaluar më shumë se 13 muaj kur prokuroria ngriti akuzat ndaj Tahirit. Të gjithë e dimë që akuzat për të u ngritën në bazë të hetimeve në Itali dhe ai atje doli i pastër. Partia Demokratike duhet t’ i kërkojë falje për baltën ndaj tij, ndërkohë kthimi në Partinë Socialiste është vendimmarrje e vetë zotit Tahiri”, u përgjigj Balla.
