Profesori i Kriminologjisë, Ervin Karamuço, ka rrëfyer dje në emisionin “Opinion” rastin e një studenti që spikaste për zgjuarsinë dhe zellin në shkollë. Ervin Karamuço e kishte pikasur për pyetjet specifike që bënte, por asnjëherë nuk do t’i kishte shkuar ndër mend se ai student do t’i futej botës së errët të krimit. Profesori tregoi se ai ka “mësuar” një prej “gjeneralëve” të krimit, që sot është shumë më i kërkuar se Talo Çela apo Ibrahim Lici, emrat e të superkërkuarve nga policia.
“…Para disa vitesh në një universitet privat kam patur në bankë të parë njërin, mbase është një çik më lart sesa këta, i cili gjatë gjithë kohës rrinte në bankë të parë. Mbante shënime, bënte disa pyetje specifike dhe bënte analiza të mirëfillta.
Ishte student dhe u diplomua dhe tani është gjeneral, nuk është kolonel si puna e këtyre. Dhe unë habitesha për zgjuarsinë dhe për mënyrën sesi kërkonte informacion.
Student i rregullt dhe kur më kanë thënë oficerët e krimeve që ti ke përgatitur gjermanin, jo partizanin… unë nuk e dija, sepse doli më vonë CV-ja e tij”, tha Karamuço.
