Ish-deputeti i Partisë Socialiste, Alqi Bllako, dje për gati 2 orë ka dhënë dëshminë e tij përballë prokurorit të çështjes. Ai ka sqaruar të gjithë rolin e tij në dhënien me koncesionin për inceneratorin e Fierit. Bllako ka mohuar akuzat dhe pretendimet e SPAK si i përfshirë në këtë aferë.
Sipas Bllakos, për sa i përket akuzës së shpërdorimit të detyrës për shpronësimin e vendit ku u ndërtua inceneratori, tha se nuk ka pasur funksion vendimmarrje. Sipas tij, procedura është kryer dhe është ndjekur nga komisioni i ngritur për këtë çështje në Ministrinë e Mjedisit. Ai deklaroi se ka pasur detyrë vetëm t’ja përcjellë shkresën Këshillit të Ministrave për miratim.
“Procedura është kryer dhe është ndjekur nga komisioni i ngritur për këtë çështje në Ministrinë e Mjedisit, dhe se kam pasur detyrë vetëm ta përcjellë shkesën Këshillit të Ministrave për Miratim.
Sa i takon akuzës së korrupsionit për punësimin e babait të tij në mënyrë fiktive në inceneratorin e Tiranës, Bllako është shprehur se kontrata nuk është firmosur nga Klodian Zoto, por nga ana e administratorit italian.
“Procedura është kryer dhe është ndjekur nga komisioni i ngritur për këtë çështje në Ministrinë e Mjedisit, dhe se kam pasur detyrë vetëm të përcjellë shkresa Këshillit të Ministrave për miratim. Për sa i përket akuzës së korrupsionit për punësimin e babait tim në mënyrë fiktive në inceneratorin e Tiranës, kontrata për punësimin e babait tim nuk është firmosur nga Klodian Zoto, por nga ana e administratorit italian. Babai im ka prishur kontratën e punës disa muaj përpara se të firmosej aktmarrëveshja për inceneratorin e Fierit”, mësohet të ketë thënë Bllako.
