Koreografi Dritan Brama, ka bërë një deklaratë të fortë për raportin ndërmjet Egzonës dhe Donaldit në “Big Brother”. Teksa ka qenë i ftuar në “Ftesë në 5”, ish-banori deklaroi se ka dyshimet e tij për moderatoren Egzona Rafuna, e cila ishte e afërt me aktorin Donald Veshaj. Ai la të nënkuptuar për një romancë të fshehur aty brenda, që askush nuk e ka kuptuar.
“Dyshoj për Egzonën. Ajo erdhi nga jashtë sikur s’kishte ndodhur asgjë edhe iu qep Donaldit këmba-këmbës. Iu qep domethënë i bënte përshtypje, rrinte gjithë kohës me Donaldin dhe thashë gjithë kjo shoqëri pas ikjes së Triksës… Ajo u shkëput shumë pas ikjes së Triksës, rrinte gjithë kohës me Donaldin”, tha ai.
Min 17:00
Ish-konkurrentja Egzona Rafuna, kur ka qenë e ftuar në emisionin “Big Brother Fan Club”, foli për raportin e shumëkomentuar me Donaldin, i cili siç u tha, edhe e penalizoi në lojën e saj.
“Unë e kam parë të nevojshme të afrohesha kur Triksa ishte keq. Edhe nëse ajo më penalizon, nuk e kam me rëndësi sa kam njerzillëkun. Ngjarja me Triksën ndodhi tre ditë pasi në prime u trajtua që Egzona është futur në mes të tyre, prandaj ishte ai reagim. Më ka ardhur keq që Triksa po m’i thotë ato gjëra. Mendova për familjen time, se unë shoqërinë, familjen dhe karrierën i kam të shenjta”, tha Egzona.
