Talebanët njoftuan sot një amnisti të përgjithshme për të gjithë zyrtarët qeveritarë, dhe u bënë thirrje atyre të kthehen në punë, dy ditë pasi morën pushtetin në Afganistan.
“Tashmë është shpallur një amnisti e përgjithshme për të gjithë (…), kështu që ju duhet të ktheheni me besim të plotë në rutinën tuaj të përditshme”, thanë talebanët në një deklaratë.
“Evropa duhet të krijojë korridore humanitare për të pritur refugjatët që largohen nga Afganistani, dhe gjithashtu të shmangë rrjedhën e pakontrolluar të emigrantëve të paligjshëm”, tha Komisioneri Ekonomik i BE-së, Paolo Gentiloni në një intervistë.
“Unë besoj se Evropa në mënyrë të pashmangshme duhet të pajiset me korridore humanitare dhe pritje të organizuar, si dhe të shmangë flukset e pakontrolluara të emigrantëve ilegalë. Ose të paktën vendet që kanë vullnet, duhet ta bëjnë këtë”, tha ai për gazetën italiane “il Messaggero”.
Ministrat e jashtëm të BE -së do të mbajnë një konferencë sot, për të diskutuar marrjen e Afganistanit nga talebanët.
Burimi i lajmit: Protothema. Përshtatur nga Tirana Today
