Detaje të reja kanë dalë në dritë lidhur me plagosjen e një taksisti sot në Vlorë. Ngjarja ka ndodhur rreth orës 14:00, në lagjen “24 Maji”, pranë stacionit të trenit. Taksisti K.B., 44 vjeç është konfliktuar me kolegun e tij A.P. 40 vjeç për vendodhjen e taksive, dhe shërbimin ndaj klientëve. Mosmarrëveshja ka degjeneruar në plagosje, ku A.P., ka goditur me kaçavidë shtetasin me inicialet K.B.
Nga të dhënat e mëtejshme mësohet se agresori ishte taksist privat, ndërsa i plagosuri ishte i pajisur me liçencë. Autori i plagosjes u arrestua më pas nga policia, kurse K.B., ndodhet në Spitalin e Vlorës, për marrjen e ndihmës së duhur shëndetësore.
