Taksa e “Rrugës së Kombit” ka ngjallur debate të ashpra në arenën politike, ku sipas opozitës këto janë para qe do të shkojnë për grupe të caktuar njerëzish dhe jo për investime. Në lidhje më këtë kanë reaguar anëtarët e këshillit bashkiak të Kukësit.
Anëtarët e këshillit bashkiak janë bërë bashke te majte dhe të djathtë për të kundërshtuar taksën për “Rrugën e Kombit” , duke u shprehur se kjo gjë nuk do të bëj gjë tjetër veçse do të varfërojë ë tepër banorët e kësaj zone të cilët përdorin më shpesh autostradën.
Teksa i bëjnë thirrje qytetarëve të protestojnë, këshilltarët thanë se qëndrimi i tyre nuk ndikohet nga subjektet politike që përfaqësojnë pasi taksa rëndon po njësoj si xhepat e qytetarëve të djathtëve ashtu dhe të majtëve.
Por taksa do të përkthehet edhe në rritjen e çmimit të biletave nga shoqëritë e transportit.
Testimi për aplikimin e takës së Rrugës së Kombit nisi ditën e dielë ndërsa pas datës 15 prill kushdo që do të qarkullojë në këtë autostradë do të paguajë tarifa që variojnë nga 2.5 euro deri në 22.5 euro në varësi të llojit të mjetit.
Mesa duket kjo I ka dhënë efektet e para pasi në ndeshjen e Kombëtares ndaj miqësores me Norvegjinë, tifozët e Kosovës munguan.