Shqiptarët do të paguajnë edhe më shumë sa i përket taksës së pronës apo dhe taksave në fusha të tjera. Eksperti për çështjet fiskale Panajot Soko, i ftuar në “Ekopolitikë” në Ora News e quan absurde rritjen e taksave për pronën.
“Këtu absurdi ka arritur majat sepse po mblidhet një taksë për të krijuar një institucion për të mbledhur këtë taksë, por do të ngrihet Drejtoria e Vlerës”-tha ai.
Ai shtoi se një qytetar paguan një taksë, ndërsa në këmbim duhet të marrë patjetër një shërbim . Sipas tij, në momentin kur shteti më faturon një taksë, qytetari duhet të marrë po ashtu një shërbim shtesë. Sa i përket pagesës së taksës, në fillimisht nuk kemi informacion se ku shkon kjo taksë
“Një qytetar paguan një taksë për të marrë një shërbim. Në momentin që më jep një taksë shtesë duhet të ketë një shërbim shtesë. Nuk e kuptoj pse u rrit taksa dhe pse qytetarit do t’i merren këto lekë. Më thoni kush është destinacioni ku do të shkojë kjo taksë”-shton ai.
