Kryeministri Edi Rama udhëtoi dje drejt Shkupit , në kuadër të “Samitit 100”. Rama u prit nga homologu i tij Zoran Zaev.
Gjatë takimit të dy kryeministrave, Rama e uroi Zaev për zhvillimin e zgjedhjeve demokratike në Maqedoni.
“Rezultati nga zgjedhjet është në agjendën e demokracisë si dhe përkrahja e politikave reformuese për të gjithë, ato janë fitore për një koncept shoqëror, do bëjmë gjithçka që duhet që të sigurojmë besimin e qytetarëve dhe të bëjmë jetë kualitative”, ka thënë Zaev.
Po ashtu, Rama dhe Zaev konstatuan se Maqedonia dhe Shqipëria kanë bashkëpunim të mirëfilltë politik dhe se duhet të bashkëpunojnë në sferat integruese ekonomike.
“Qeveria do të vazhdojë të zhvillojë marrëdhëniet fqinjësore me miqtë e rajonit për hapjen e rrugës drejt Natos dhe BE”, tha Zaev.
