Kina po kalon një situatë tepër të vështirë për shkak të përmbytjeve dhe vërshimeve të ujit, që u shkaktuan nga reshjet e dendura të shiut ditët e fundit. Por, ende pa e marrë veten nga përmbytjet shkatërrimtare, vendi pritet që të goditet nga Tajfuni In-Fa.
Sipas meteorologëve, ky tajfun pritet që të godasë bregdetin lindor të Shangait, ditën e dielë, shkruan media prestigjoze britanike, BBC. Pas këtij paralajmërimi, dhjetra anije janë evakuar nga porti i Shangait.
Tajfuni pritet të godasë vendin më të populluar në botë, pas përmytjeve katastrofike që shkaktuan të paktën 50 viktima, dhe dëme të shumta materiale, teksa shumë qytete janë bllokuar dhe kanë mbetur pa energji elektrike.
Ekuipazhi i emergjencave ende po punon pa u ndalur, 24 orë për të shpëtuar të mbijetuarit dhe për të siguruar ndihmë për dhjetëra miliona njerëz të prekur nga përmbytjet.
Tajfuni In-Fa mund të sjellë më shumë reshje të rrëmbyeshme në rajonin e goditur në ditët e ardhshme dhe zyrtarët paralajmërojnë se mund të pengojë përpjekjet e shpëtimit dhe rimëkëmbjes.
