Sulmuesi i kombëtares shqiptare, Rei Manaj po kalon një formë fanstasike në prag të sezonit të ri futbollistik.
Pas debutimit të tij me skuadrën e parë të Barcelonës ku realizoi një tripletë kundër Tarragonas, 24-vjeçari ka realizuar sërish gol në miqësoren e zhvilluar ditën e sotme.
Në ndeshjen e luajtur ndaj Gironës, shqiptari ka realizuar një gol mjaft të bukur. Në minutën e 24-ët të pjesës së parë, lushnjari ka marrë një asist nga e majta, dhe mjaftoi prekja e tij që topi të përfundonte në rrjetë.
Goli i Manajt ishte i dyti për Barcelonën në këtë sfidë, pasi golin e parë e kishte shënuar mbrojtësi Xherad Pike, me anë të një penalltie.
