Ish-ministri i Brendshëm Saimir Tahiri, ka reagim ashpër ndaj Ramës dhe pasardhësit të tij Fatmir Xhafaj.
“Sot në Parlament ka me 10 ministra, ish-ministra të Brendshëm, ish-kryeministra, që rrinë sot rrinë si engjëj dhe më bëjnë mua moral dhe unë duhet të duroj. Ta dini për statistikë dhe hapni shifrar zyrtare të Guarda Di Financa, që t’i mbledhësh të gjitha bashkë statistikat e drogës që kam qeverisur unë për 4 vjet, të gjithë shifrat bashkë nuk bëjnë sa një vit i Saliut për kultivimin e kanabisit.. Nuk e ka thënë kush këtë as Rama, as Xhafaj dhe as deputetët e opozitës as ato të PS-së. Nuk e kuptoj se pse heshtin.
Ish-Ministri i Brendshëm Saimir Tahiri tha se pasardhësi i tij në detyrë, Fatmir Xhafaj ia ka kaluar në akuza për policinë e kriminalizuar edhe Sali Berishës dhe Lulzim Bashës.
“Në fund mbeta unë që dëgjoj avazin e Saliut dhe të Lulit, me akuza që i kanë bërë ende pa marrë detyrën. Edi Rama në fillimit të parlamentit i falënderoi për kontributin opozitar, ndërsa pasardhësi im në detyrë me akuzat për ‘policinë e kriminalizuar’ ia kaloi edhe Saliut edhe Lulit. Por këta që më akuzojnë mua sot, nga dolën kaq të dhimbshëm për fushat që medemek lëngonin nga hashashi? Lazaratin nuk e kishin aty për 20 e kusur vite, Krujën nuk e kishin atje, Shkodrën, Malësinë e mMadhe, Dibrën Beratin, etj, dhe ishin aty edhe ditën kur unë mora detyrën, dhe tani u thonë njerëzve që i bëra unë.”
