Ish-ministri i Brendshëm Saimir Tahiri, i cili dorëzoi mandatin e deputetit për t’iu dorëzuar plotësisht drejtësisë, ka shigjetuar njëri pas tjetrit të gjithë drejtuesit e shtetit dhe politikanët që sipas tij kanë grabitur për vite me radhë Shqipërinë.
Në këtë shigjetim ai nuk la pa përmendur edhe Monika Kryemadhin dhe presidentin Ilir Meta, krimet e të cilëve sipas Tahirit nuk ka Zot që i lan.
Duke përmendur 21 janarin, ngjarjet e ndryshme të korrupsionit që nuk janë ndëshkuar sipas Tahirit janë shembulli se si shqiptarët janë vrarë dhe vjedhur vazhdimisht.
“Më akuzon Monika dhe Ilir Meta, që zoti e di se ngado ti kapësh e rrotullosh, nuk ka ujë të shenjtë që mund tua lajë ç’kanë bërë. E sikur të ishin vetëm kaq, do ishte mirë por nuk janë vetëm këta. Për mua nuk del një shqiptar të më thotë se jam hajdut, se i kam vjedhur lekët, se kam vjedhur tendera, se kam marr lekë për të futur njerëz në punë, etj., etj., si këto. Unë rroj e do përballem me drejtësinë edhe për këto që më akuzojnë sot. Po këta të mjerë, që sot shqiptarët i drejtojnë gishtin për hajdutë të lekëve të tyre, e shesin dëngla gjithë ditën….si ia hodhën drejtësisë… Duke bërë harbutin, ia hodhën dhe drejtësisë. Duke akuzuar të tjerët për gjëra që kanë bërë vetë, ia hodhën. Duke blerë gjyqtarë e prokurorë, duke shpërndarë tendera e koncesione, duke marrë lekë për një legalizim, për një hipotekë, edhe për të futur njerëz në punë duke marrë lekë, e me to kanë blerë rehatin, e kështu rrojnë. Duke blerë kundështarin në parlament, ia hodhën. Duke mbyllur gojë, duke blerë heshtje, në pazarin e madh bodrumeve të parlamentit ku bien dakort njeri mos merret me të shkuarën e tjetrin, tjetri mos merret me të tashmen e njërit. Duke blerë media, portale, sondazhe. Në shqipëri e jashtë shqipërisë. Ku një artikull ku shahem unë, pasohet nga një tjetër ku lavdërohet ai që e ka paguar”, u shpreh Tahiri.
https://tiranatoday.com/saimir-tahiri-tregon-pazarin-mu-ofruan-nga-te-gjitha-anet-ja-cme-kerkuan-per-edi-ramen/
